ပြည်ထောင်စုနေ့အခါသမယသည်၂၀၁၂ ခုနှစ် ဖေဖော်ဝါရီလ ၁၂ ရက်နေ့တွင် ၆၅ နှစ်ပြည့်အဖြစ်ကျရောက်
ပေတော့မည်။(၆၅)နှစ်တိုင်အောင်ဖြတ်သန်းလာခဲ့ရသောပြည်ထောင်စုနေ့ခရီးရှည်ကြီးသည် မြန်မာ့လွတ်လပ်ရေး
ကြိုးပမ်းမှုသမိုင်းတွင်အရေးပါအရာရောက်ခဲ့သောနေ့ထူးနေ့မြတ်ပင်ဖြစ်သည်။ကုလားဖြူနယ်ချဲ့တို့၏လက်အောက်
ကျရောက်ခဲ့စဉ်ခွဲခြားအုပ်ချုပ်ခဲ့မှုကြောင့်တိုင်းရင်းသားလူမျိုးများအချင်းချင်းသွေးကွဲခဲ့ကြသည်။ထိုနယ်ချဲ့လက်အောက်
မှလွတ်မြောက်ရန်ကြိုးပမ်းခဲ့စဉ်ကလည်းတောင်ပေါ်၊မြေပြန့်စုစည်းမှုမရှိပဲကိုယ့်နည်းကိုယ့်ဟန်ဖြင့်သာကြိုးစားခဲ့ကြ
သည်။နိပွန်ဂျပန်တို့ကိုတော်လှန်တိုက်ထုတ်ချိန်တွင်ညီညွတ်မျှတစွာပူးပေါင်းတိုက်ထုတ်ခဲ့ကြသည်။လွတ်လပ်ရေးကြိုး
ပမ်းမှုတွင်တောင်ပေါ်၊မြေပြန့်မခွဲခြားပဲသာတူုညီမျှလွတ်လပ်ရေးရရှိအောင်နည်းလမ်းများရှာကြံခဲ့ကြသည်။
၁၉၄၆ခုနှစ်ဖန်နဝါရီလတွင်ရွှေတိဂုံအလယ်ပစ္စယံတွင်ကျင်းပသောဖဆပလညီလာခံကြီးကတောင်ပေါ်၊မြေပြန့်မခွဲခြား
ပဲတိုင်းရင်းသားအားလုံးပါဝင်နိုင်မည့်လွတ်လပ်သောပြည်ထောင်စုနိုင်ငံထူထောင်ရန်ကြိုးပမ်းချက်အတိုင်းမြန်မာ့
ခေါင်းဆောင်ကြီးများကစတင်ကြိုးပမ်းခဲ့ကြသည်။ပြည်ထောင်စုနေ့အကြောင်းပြောလျှင်မပါမပြီး၊မပြောမဖြစ်သည်မှာ
ပင်လုံညီလာခံနှင့်ပင်လုံစာချုပ်တို့ဖြစ်သည်။
ထိုစဉ်ကရှမ်းပြည်တောင်ပိုင်း၊လဲချားစော်ဘွားပိုင်"ပင်လုံမြို့"တွင်ကျင်းပသော"ပထမညီလာခံ"နှင့်"ဒုတိယညီလာခံ"
တို့မှစတင်ပေါက်ဖွားလာသည်ဟုဆိုရပါမည်။ပထမညီလာခံ(အစည်းအဝေး)မှာ၁၉၄၆ခုနှစ်၊မတ်လ ၁ ရက်နေ့တွင်
ကျင်းပခဲ့သည်။ဒုတိယညီလာခံ(အစည်းအဝေး)မှာ၁၉၄၇ခုနှစ်၊ဖေဖော်ဝါရီလ(၃)ရက်မှ(၁၃)ရက်ထိကျင်းပခဲ့သည်။
ပထမပင်လုံညီလာခံ
၁၉၄၆ခုနှစ်၊မတ်လ၁ရက်၌‘ရှမ်းပြည်လက်မှုပညာပြပွဲ’ဟုပင်လုံ၌တဲကြီးနှစ်တဲဆောက်လုပ်လျက်ရှမ်းပြည်တောင်ပိုင်းနှင့်
မြောက်ပိုင်းတို့မှထွက်ရှိသောလက်မှုပညာများ၊မိုင်းကိုင်စက္ကူများ၊ပန်းချီပန်းပုပစ္စည်းများငွေဓားကြီး၊ငွေဓားငယ်များ
အပါအဝင်ငွေထည်ပစ္စည်းများမြေအိုးမြေခွက်များ၊မိုင်းပွန်နယ်ထွက်သီးနှံများ၊ရှမ်းပြည်နယ်တွင်းဖြစ်ဗာဂျီးနီးယားဆေး
ရွက်များ၊ဆေးတံများကိုပြသရာတစ်ချိန်တည်းတွင်တောင်တန်းဒေသခေါင်းဆောင်များမြန်မာနိုင်ငံရေးလောကမှ
ထင်ရှားသူများ၊ ဗြိတိသျှတောင်တန်းမင်းကြီးတို့ကိုဖိတ်ကြားခဲ့သည်။
ဗြိတိသျှတောင်တန်းမင်းကြီးစတီဗင်ဆင်၊ဦးဘဘေ၊ဗိုလ်ချုပ်အောင်ဆန်းနှင့်ဂဠုန်ဦးစောတို့အားအဖွဲ့အမည်နှင့်
မဟုတ်ဘဲပုဂ္ဂိုလ်ချင်းအနေဖြင့်ဖိတ်ကြားခဲ့သော်လည်းဦးဘဘေကဒူးနာနေသဖြင့်လည်းကောင်း၊ဗိုလ်ချုပ်
အောင်ဆန်းကရခိုင်ပြည်နယ်သို့သွားရောက်ရန်စီစဉ်ပြီးဖြစ်နေသဖြင့်လည်းကောင်းတက်ရောက်နိုင်ခဲ့ကြခြင်း
မရှိချေ။ထို့ကြောင့်ဗိုလ်ချုပ်ကိုယ်စားဖဆပလအဖွဲ့ချုပ်ကြီးမှဦးနု၊ဦးဘဂျမ်း၊မန်းဘခိုင်တို့ခေါင်းဆောင်ကာဦးညိုထွန်း
၊ဦးခင်ဇော်၊ဦးမောင်မောင်စိန်၊ဦးစိန်လှနှင့်ဦးဇော်ဝိတ်တို့သွားရောက်ခဲ့ကြသည်။နယ်ခြားဒေသအုပ်ချုပ်ရေး
ညွှန်ကြားရေးဝန်၏ဖိတ်ခေါ်ချက်အရမြစ်ကြီးနားခရိုင်မှကချင်အမျိုးသားကိုယ်စားလှယ်ဦးကွတ်ရင်ဂမ်းနှင့်
ဦးလော့ခွန်ဘောက်၊ဗန်းမော်ခရိုင်မှလောဒန်နူဝါဇော်လနှင့်ဦးဇော်လွန်းတို့လည်းတက်ခဲ့သည်။
ဦးနုက"တောင်တန်းဒေသမှတိုင်းရင်းသားများနှင့်ပြည်မသားတို့ကြားမှရှည်ကြာနွေးထွေးခဲ့သောဆက်ဆံမှု
များအကြောင်း"ပြောဆိုခဲ့ပြီး၊ဦးစောက"မြန်မာနိုင်ငံလွတ်လပ်ရေးရလျင်မည်သို့အုပ်ချုပ်မည်နှင့်
ဒိုမီနီယံအုပ်ချုပ်ရေး၏ကောင်းကျိုးများကိုသာဟောပြောသဖြင့်”ဗမာပြည်မှာရောင်းမစွံတဲ့ဒိုမီနီယံ
ကိုရှမ်းပြည်လာမရောင်းပါနဲ့ဟုထိုစဉ်ကရှမ်းလူမျိုးခေါင်းဆာင်တစ်ဦးဖြစ်သူဦးတင်ဧကတုံ့ပြန်ပြောဆို
လိုက်ရာရှမ်းလူထု၏အားပေးမှုကိုရရှိခဲ့လေသည်။
၁၉၄၇ဇန်နဝါရီလ(၁)ရက်တွင်ဗိုလ်ချုပ်အောင်ဆန်းလန်ဒန်သို့ခရီးထွက်ခဲ့သည်။အခက်အခဲများကြားမှတောင်တန်း
ရောပြည်မပါ၊ပါဝင်သည့်လွတ်လပ်ရေးပေးရန်အချက်ပါဝင်သော‘အောင်ဆန်း- အက်တလီစာချုပ်’ကို၁၉၄၇ခုနှစ်၊
ဇန်နဝါရီ(၂၇)ရက်တွင်အောင်မြင်စွာချုပ်ဆိုနိုင်ခဲ့လေသည်။ပထမပင်လုံအစည်းအဝေးတွင်ဦးစောညွှန်းဆိုခဲ့သော
ဓနသဟာယအဖွဲ့ဝင်ဒိုမီနီယံနိုင်ငံတစ်ခုအဖြစ်မဟုတ်ဘဲကတိပြုထားသည့်အတိုင်းတစ်နှစ်အတွင်းလုံးဝလွတ်လပ်ရေး
ရရန်ဟူသည်နှင့်လည်းနီးစပ်လာခဲ့သည်။
"ဒုတိယပင်လုံညီလာခံ"
လန်ဒန်မှပြန်ရောက်သောဗိုလ်ချုပ်အောင်ဆန်းသည်ဖေဖော်ဝါရီ(၃)ရက်နေ့ကပင်ဒုတိယပင်လုံအစည်းအဝေး စတင်သည်ဖြစ်သော်လည်း၊(၈)ရက်နေ့မှသာရန်ကုန်မှမိတ္ထီလာသို့လေယာဉ်ဖြင့်၊မိတ္ထီလာမှပင်လုံသို့ကားဖြင့်သွား
ရောက်ခဲ့ရပါသည်။စည်းစိမ်နှင့်အာဏာကိုစွန့်လွှတ်ရန်စိုးရွံ့သူဒူးဝါးအချို့နှင့်စော်ဘွားအချို့ကညှိနှိုင်းရာတွင်တင်းမာ
နေခဲ့သောကြောင့်ဗိုလ်ချုပ်အောင်ဆန်းသည်ပင်လုံမှပြန်တော့မည်ဟုဆိုကာလေယာဉ်ပျံခေါ်ယူစေလေသည်။
ဤသို့ဖြင့်နောက်ဆုံးတွင်၁၉၄၇ခုနှစ်၊ဖေဖော်ဝါရီ(၁ဝ)ရက်နေ့တွင်ပင်လုံအစည်းအဝေးကိုပြန်လည်စတင်ပြီး(၁၁)
ရက်နေ့တွင်မူကြမ်းအပြီးသွန်းလောင်းနိုင်ခဲ့ကာ(၁၂)ရက်နေ့တွင်ဗိုလ်ချုပ်အောင်ဆန်းနှင့်တကွတိုင်းရင်းသား
ခေါင်းဆောင်ကြီး(၂၃)ဦးတို့သည်ပင်လုံစာချုပ်အားသမိုင်းဝင်လက်မှတ်ရေးထိုးနိုင်ခဲ့လေသည်။
တက်ရောက်လက်မှတ်ရေးထိုးခဲ့ကြသူများမှာ-
ဗိုလ်ချုပ်အောင်ဆန်း(မြန်မာနိုင်ငံတော်အစိုးရ)
ကချင်ကော်မတီ
ဆမားဒူးဝါးဆင်ဝါးနောင်(မြစ်ကြီးနား)
ဇော်ရစ်(မြစ်ကြီးနား)
ဒိန်ရတန်(မြစ်ကြီးနား)
ဇော်လ(ဗန်းမော်)
ဇော်လွန်း(ဗန်းမော်)
လဗန်းဂရောင်း(ဗန်းမော်)
ချင်းကော်မတီ
ဦးလွှာမှုန်း(အေတီအမ်၊အိုင်တီအက်(စ်)အမ်၊ဖလမ်း။)
ဦးသောင်ဇာခပ်(အေတီအမ်၊တီးတိန်။)
ဦးကွယ်မန်း(အေတီအမ်၊ဟားခါး။)
ရှမ်းကော်မတီ
ခွန်ပန်းစိန်(တောင်ပိုင်းစပ်ဖလုံ)
စပ်ရွှေသိုက်(ညောင်ရွှေစပ်ဖလုံ)
စပ်ဟုံဖ(မြောက်ပိုင်းသိန္နီစပ်ဖလုံ)
စပ်နွံ(လဲချားစပ်ဖလုံ)
စပ်စံထွန်း(မိုင်းပွန်စပ်ဖလုံ)
စပ်ထန်းအေး(သာမိုင်းခမ်းစပ်ဖလုံ)
ဦးဖြူ(သထုံစပ်ဖလုံ၏ကိုယ်စားလှယ်)
ခွန်းဖုံး(မြောက်ပိုင်းသိန္နီ)
ဦးတင်ဧ
ဦးထွန်းမြင့်
ဦးကြာပု
ဦးခွန်စော
စပ်ရစ်ဖ
ဦးခွန်ထီး တို့ဖြစ်ကြပါသည်။
ထို့ကြောင့်ပင်လုံညီလာခံမှသည်ပင်လုံစာချုပ်၊ထိုမှတဖန်ပြည်ထောင်စုစိတ်ဓာတ်အရင်းခံခဲ့သောပြည်ထောင်စု
နေ့ကြီးဖြစ်ပေါ်လာခဲ့ရပါသည်။သို့သော်စစ်အစိုးရလက်ထက်မြန်မာနိုင်ငံတွင်ပြည်ထောင်စုစိတ်ဓာတ်ဖြင့်
ပြည်ထောင်စုကြီးကိုချစ်ပါသည်ဆိုသော်ငြားလည်းဖြစ်ပေါ်နေသောပြည်တွင်းစစ်ကြီးများကသက်သေ
သာဓကပင်ဖြစ်သည်။တိုင်းတစ်ပါးလက်မှလွတ်မြောက်ခဲ့သော်ငြားကိုယ့်လူမျိုးအချင်းချင်းလက်အောက်မှ
မလွတ်နိုင်ကြသေးပေ။အာဏာအားကိုးဖြင့်ပြည်သူများကိုကြောက်ရွံ့နေသောစစ်အစိုးရသည်ဘာလက်နက်
မှမရှိသောသူများကိုပြည်ထောင်စုစိတ်ဓာတ်ဖြင့်ကန်ကြောက်၊ရိုက်ပုတ်နှိပ်စက်၊ညှင်းဆဲသတ်ဖြတ်သည်မှာ
တိုင်းသိပြည်သိဖြစ်ခဲ့ပါသည်။အစိမ်းရောင်ဝတ်များသည်အခွင့်ထူးခံလူတန်းစားများဖြစ်ခဲ့သည်။ဗိုလ်ချုပ်
ထက်တပ်ချုပ်ကြီးကိုကိုးကွယ်ခဲ့ကြသည်။ဗိုလ်ချုပ်ကိုကျောင်းသင်ခန်းစာများ၊ကျောင်းကျောက်သင်ပုန်းများ
ပေါ်မှဖြုတ်ချခဲ့ကြသည်။အာဏာရူးခဲ့ကြသောထိုလူမျိုးတို့သည်ဗိုလ်ချုပ်ကဲ့သို့တိုင်းပြည်အတွက်ဘာများ
အကျိုးဆောင်ခဲ့ဖူးပါသနည်း။ဗိုလ်ချုပ်သည်ကားကျွန်တော်တို့၏အရှင်သခင်ကျွန်တော်တို့၏အလင်းရောင်၊
ကျွန်တော်တို့၏လမ်းပြကြယ်၊ကျွန်တော်တို့၏လေးစားရာ၊အားကျရာပုဂ္ဂိုလ်ကြီးပင်ဖြစ်သည်။
ကျွန်တော်တို့ပြည်ထောင်စုစိတ်ဓာတ်ဖြင့်ပြည်ထောင်စုနေ့ကိုကြိုဆိုပြီးတိုင်းပြည်အတွက်တတ်နိုင်သမျှ
ကြိုးစားကြပါစို့ဟုတိုက်တွန်းရင်း......။
အကိုးအကား-
၁။ ဦးဖေခင်ရေးကိုယ်တွေ့ပင်လုံ
၂။ ပင်လုံညီလာခံသမိုင်းစဉ်အကျဉ်း(လမ်းစဉ်ပါတီ)
၃။ The Messenger Journal အတွဲ ၁ အမှတ် ၄၀
မှတ်ချက်။ ။ ရွှေမင်းသားဘလော့စပေါ့မှ ကူးယူဖော်ပြပါတယ်။
အစဉ်ညီညွတ်သောစိတ်ဓါတ်များဖြင့် ပြည်ထောင်စုကြီးကို ထိန်းသိမ်းစောင်ရှောက်နိုင်ကြပါစေ။
ချစ်ခင်လျက်
သော်တာ
မှတ်သားစရာတွေပဲ ညလေးရေ ... နောက်လူတွေက ပြည်ထောင်စုနေ့ဆိုတာကို သိပ်မသိကြသေးလေတော့ အခု Post လေးက တစ်တပ်တစ်အား အကူအညီရပါလိမ့်မယ်။ ဗရာဗိုပါ ညလေးရေ.....
